गणपति प्रार्थना...
ॐ नमः शिवाय | ॐ नमः शिवाय | ॐ नमः शिवाय | ॐ नमः शिवाय | ॐ नमः शिवाय
हिंदू मान्यताओं के अनुसार शुभ कार्य या नया काम करने से पहले भगवान गणेश की पूजा करनी चाहिए। भगवान गणेश को प्रसन्न करने की प्रार्थना करें।
।। ॐ निं निखिलेश्वराय नम:।।
"गणपति प्रार्थना"
विघ्नेश्वराय वरदाय सुरप्रियाय
लम्बोदराय सकलाय जगद्धिताय।
नागाननाय श्रुतियज्ञविभूषिताय
गौरीसुताय गणनाथ नमो नमस्ते।।
भक्तार्तिनाशनपराय गणेशाश्वराय
सर्वेश्वराय शुभदाय सुरेश्वराय।
विद्याधराय विकटाय च वामनाय
भक्तप्रसन्नवरदाय नमो नमस्ते।।
नमस्ते ब्रह्मरूपाय विष्णुरूपाय ते नम:
नमस्ते रुद्ररुपाय करिरुपाय ते नम:।
विश्वरूपस्वरूपाय नमस्ते ब्रह्मचारिणे
भक्तप्रियाय देवाय नमस्तुभ्यं विनायक।।
लम्बोदर नमस्तुभ्यं सततं मोदकप्रिय
निर्विघ्नं कुरु मे देव सर्वकार्येषु सर्वदा।।
त्वां विघ्नशत्रुदलनेति च सुन्दरेति
भक्तप्रियेति सुखदेति फलप्रदेति।
विद्याप्रदेत्यघहरेति च ये स्तुवन्ति
तेभ्यो गणेश वरदो भव नित्यमेव।।
त्वं वैष्णवी शक्तिरनन्तवीर्या
विश्वस्य बीजं परमासि माया।
सम्मोहितं देवि समस्तमेतत्
त्वं वै प्रसन्ना भुवि मुक्तिहेतुः।।
गणेशपूजने कर्म यन्न्यूनमधिकं कृतम।
तेन सर्वेण सर्वात्मा प्रसन्नोस्तु सदा मम।।
Comments
Post a Comment